Sərxoş sürücü avtomobil idarə edərkən huşunu itirdi - VİDEO

Aksarayda A.A. adlı şəxs spirtli içki qəbul etdikdən sonra 68 HS 101 dövlət nömrə nişanlı avtomobilinə minərək bir müddət tıxacda qalıb.

Sonxeber.az türk mediyasına istinadən xəbər verir ki, sürücü sərxoş vəziyyətdə avtomobil idarə edərkən huşunu itirib. Bir müddət özbaşına davam edən avtomobil yoldakı başqa bir avtomobilə dəydikdən sonra dayanıb.

Sürücü qəza törətsə də, yuxudan ayılmayıb. Baş verənləri anlaya bilməyən vətəndaşlar vəziyyəti 112 Təcili Yardım Mərkəzinə bildiriblər.

Xəbərdarlıq üzərinə hadisə yerinə polis və tibb qrupları sövq edilib. Hadisə yerinə gələn polis qrupları avtomobilin qapısını açaraq sərxoş sürücünü oyandırıb. Gözlərini belə açmaqda çətinlik çəkən sürücü nə baş verdiyini anlamağa çalışıb. Avtomobildən çıxarılan sürücü ayağa qalxmaqda çətinlik çəkib.

İçdiyi spirtli içkinin təsirindən yeriməkdə çətinlik çəkən sürücü polis məmurunun qolunda təcili yardıma aparılıb. Təcili yardım maşını ilə Aksaray Təhsil və Araşdırma Xəstəxanasının Təcili Xidmətinə çatdırılan sürücünün qanında 1,82 promille spirt olduğu müəyyən edilib.

Vəsiqəsi əlindən alınan sürücü sərxoş halda avtomobil idarə etdiyi üçün cərimələnib.

Telegramda izləyin