"Bu hakerlərin ən çox istifadə etdiyi yoldur" - AÇIQLAMA

ABŞ Milli Təhlükəsizliyi Agentliyi "İPhone" və "İPad" istifadəçilərini "Wİ-Fİ" paramaterlərini dəyişdirməyə çağırıb. Bunun səbəbi həmin parametrlərdən fırıldaqçıların aktiv şəkildə istifadə etməsidir. Bu halın baş vermə reallığı nə qədərdir? Və niyə, məhz, "İPhone" və "İPad" istifadəçiləri üçün bu xəbərdarlıq edilib?

Mövzu ilə bağlı Sonxeber.az-a İKT üzrə ekspert Elvin Abbasov danışıb.

O, açıqlamasında qeyd edib ki, "Wİ-Fİ"-da "avtomatiq qoşul" seçənəyi var və bundan ehtiyatlı olmaq lazımdır:

"Bu bilinən bir yöntəmdir və hakerlərin ən çox istifadə etdiyi yoldur. Məsələ belə baş verir ki, bir haker ictimai yerlərdəki hər kəsə açıq "Wİ-Fİ"lərə qoşularaq, sözügedən "Wİ-Fİ"-ın eyni parametrlərini yaradır və əsas "Wİ-Fİ"-a restart edərək oradakı istifadəçilərin birbaşa özünə qoşulmasını təmin edir. Bu yolla oradakı internet istifadəçilərinin əməliyyatlarını kənardan izləyə bilir. Bu isə o deməkdir ki, oradakı istifadəçilər, elə zənn edir ki, olduqları ərazidəki "Wİ-Fİ"-a qoşulub, amma, əslində onlar hakerin "Wİ-Fİ"-na qoşulmuş olurlar. Bu yolla da hakerlər bank əməliyyatları aparılır, sosial hesablara giriş edildikdə onların məlumatları və yazışmaları haker tərəfindən izlənmiş və ələ keçirilmiş olur. Onlar ucdan-uca şifrələnmə olmayan yazışmaları uzaqdan izləyə bilirlər. Onu da qeyd edim ki, bu sadəcə, "İPhone" üçün yox, bütün cihazlar üçün keçərlidir. Yəni, birbaşa qoşulma bütün cihazlar üçün təhlükəlidir. Bildiyimiz kimi "Wİ-Fİ"-da "avtomatiq qoşul" seçənəyi var və bundan ehtiyatlı olmaq lazımdır".

Vüsalə İbrahimli

Telegramda izləyin