Ailədaxili münaqişələrin əsl səbəbi nədir? - AÇIQLAMA

Goranboyda qayınata gəlininə əl qumbarası atıb.

Hadisə rayonun Qarasüleymanlı kəndində qeydə alınıb.

Belə ki, kənd sakini 1957-ci il təvəllüdlü Namazov Zakir Mayıl oğlu gəlini 1986-cı il təvəllüdlü Aslanova Vəfa Şükür qızı ilə ailə münaqişəsi zəminində mübahisə edib və ona doğru əl qumbarası atıb.

Bəs görəsən bu kimi ailədaxili münaqişələrin əsl səbəbi nədir?

Mövzu ilə bağlı sosioloq Lalə Mehralı Sonxeber.az -a açıqlama verib:

"Biz hər zaman ailədaxili münaqişələri müzakirə edən zaman vəziyyəti münaqiçə həddinə gətirən səbəbləri unuduruq. Hadisənin şokundan həmib səbəbləri araşdırmırıq. Bilmək lazımdır ki, yaşlı kişini gəlinin evinə qumbara atacaq həddə gətirən səbəblər nələrdir. Onu bu əməli törətməyə nə vadar edib?

Düzdür, səbəbi hər nə olur olsun, bir insana qarşı bu amansızlığı etmək sağlam psixologiyası olan adamın hərəkəti deyil. Pandemiyadan sonra insanların çoxunda psixoloji problemlər yaranıb. Şüuraltımızda ciddi formada deformasiyalar yaranıb. Amma biz bunların fərqinə deyilik. Həmin dönəm insanların həyatlarına toxundu. Ünsiyyətsiz, işsiz qaldılar, asosiallaşdılar. Daha sonrasında özünü sağaladan, yenidən həyata qayıdan insanlar olsa da, toparlana bilməyənlər də az olmadı. Bütün bunların hamısı bu gün cəmiyyətdə özünü müxtəlif formada göstərir. Biri arvadının başını kəsir, biri qayınanasını bıçaqlayır, biri də gəlinin evinə qumbara atır. Hamısı həmin boşluqlarda yaranan problemlərin nəticəsidir, indi yavaş-yavaş su üzünə çıxır".

Telegramda izləyin