Arvadını güllələyərək öldürən kişi eyni silahla intihar etdi

Kayserinin Melikqazi rayonunda bir nəfər məktəbin bağçasında keçmiş həyat yoldaşını tapança ilə vurduqdan sonra özü də intihar edib.

Sonxeber.az türk mediyasına istinadən xəbər verir ki, əldə edilən məlumata görə, hadisə rayonun Şirintəpə məhəlləsindəki Şehit Burhan Sönməz İbtidai məktəbinin bağçasında baş verib. Arvadı ilə mübahisə edən R.Ç. mübahisə zamanı yanında olan tüfənglə B.K-ya atəş açdıqdan sonra özünü də güllələyib.

Ətrafdakı insanlar vəziyyəti xəbər verdikdən sonra hadisə yerinə çoxlu polis və tibbi qruplar göndərilib. Polis ərazidə təhlükəsizlik tədbirləri görərkən, B.K tibbi qruplar tərəfindən yoxlanılıb. R.Ç-nin həyatını itirdiyi müəyyən edilib.

Araşdırmalardan sonra B.K. və R.Ç-nin cəsədləri müayinə olunmaq üçün xəstəxana meyitxanasına aparılıb. Hadisə ilə bağlı araşdırmalara başlanılıb.

Telegramda izləyin