Salondan aldığı Ferrari bir saat sonra yanıb kül oldu - VİDEO

Tokioda baş verən hadisədə 33 yaşlı yapon musiqi prodüseri Honkonun arzularını reallaşdırmaq üçün 10 il yığdığı pulla aldığı Ferrari 458 Spider salonundan çıxandan cəmi 1 saat sonra alovlanıb.

Sonxeber.az xarici mediyaya istinadən xəbər verir ki, təxminən 355 min manat dəyərində olan lüks İtalyan idman avtomobili Tokionun Minato səmtində idarə olunarkən qəfildən ağ tüstü buraxmağa başlayıb.

Vəziyyəti anlayan Honkon dərhal avtomobili yolun kənarına çəkib və avtomobil qısa zamanda alovlara bürünüb.

Dəhşətli anlarını sosial şəbəkədə paylaşan maşın sahibi, "Həqiqətən, avtomobilin partlayacağından qorxdum. Düşünürəm ki, Yaponiyada belə bir hadisəni yaşayan yeganə insan mənəm", - dedi.

Hadisə yerindən keçən digər sürücülər və piyadalar ağ rəngli Ferrari-nin alovlanmasını şokla izləyiblər. Yanğınsöndürənlər yanğını təxminən 20 dəqiqə ərzində söndürə bilib.

Xoşbəxtlikdən hadisə zamanı nə Honkon, nə də başqa heç kim xəsarət almayıb.

Telegramda izləyin