Zəlzələ zamanı sakinlərin qorxu ilə tərk etdikləri evlərə oğurluq üçün girdilər - VİDEO

İstanbulda baş verən 6,2 bal gücündə zəlzələ zamanı Sultanqazidə iki qadın oğurluq niyyəti ilə vətəndaşların təşviş içində tərk etdikləri binaya girib.

Sonxeber.az türk mediasına istinadən xəbər verir ki, hadisə dünən saat 16:00 radələrində Eski Habiplər Məhəlləsində baş verib.

Zəlzələdən sonra binalarını tərk edən vətəndaşlar təhlükəsizlik məqsədilə küçələrə axışıb. Bu vaxt iki qadın boş binaya daxil olaraq birinci mərtəbədəki mənzilləri yoxlamağa başlayıb.

Əşyalarını götürmək üçün evə qayıdan sakin tərəfindən görülən şübhəlilər binanı tərk ediblər. Daha sonra evlərinə qayıdan vətəndaşlar evlərdən oğurluq edildiyini anlayıblar.

Faktla bağlı istintaq başladılıb.

Telegramda izləyin