Müəllim 12 yaşlı şagirddən uşaq doğdu

Tayvanda müəllim 12 yaşlı məktəblidən uşaq dünyaya gətirib. Məhkəmə onu 17,5 il müddətinə azadlıqdan məhrum edib.

Lent.az xarici mediaya istinadla bildirir ki, iş materiallarına görə, Taoyuan şəhərində orta məktəb müəllimi şagirdi ilə yaxınlaşıb və 2020-ci ilin fevral-iyun ayları arasında onunla doqquz dəfə cinsi əlaqədə olub. Nəticədə qadın hamilə qalıb və uşaq dünyaya gətirib.

Təhqiqat zamanı müəllim özünə haqq qazandırmağa çalışaraq iddia edib ki, 6-cı sinif şagirdi guya özü yaxınlıq istəyib, o da "müqavimət göstərə bilməyib". Ancaq istintaq bu versiyanı təkzib edib. Məhkəmə onu təqsirli bilib və 17 il 6 ay müddətinə azadlıqdan məhrum edib.

Qadın apellyasiya şikayəti verib. İlk iclas aprelin 22-də bağlı qapılar arxasında keçirilib və yarım saat davam edib. İclasdan sonra keçmiş müəllim və vəkili şərh verməkdən imtina ediblər. Təqsirləndirilən şəxs ömürlük müəllimlik hüququndan da məhrum edilib.

Telegramda izləyin