Qadın polis paltarı geyinərək keçmiş sevgilisinin arvadını qaçırmağa cəhd etdi

ABŞ-ın Florida ştatında 52 yaşlı qadın keçmiş sevgilisinin arvadını qaçırmaq üçün özünü polis məmuru kimi təqdim edib.

Sonxeber.az türk mediasına istinadən xəbər verir ki, saxta şəxsiyyət vəsiqəsi ilə otelə gedən Latrance Battle adlı qadın Türkiyə vətəndaşı olduğu ehtimal edilən zərərçəkmişi aldada bilib.

Belə ki, Battle qadına rəsmi iş üçün burada olduğunu söyləyib. Otel işçisi olan və ABŞ vətəndaşlığı üçün müraciət prosesində olduğu bildirilən qadın, ondan rəsmi formada edilən tələbləri şübhə duymadan yerinə yetirib. Battle qadına "Səninlə şəhər mərkəzinə getməliyik" deyib və onun maşınına mindirə bilib.

Battle maşından ərinə zəng etmək istəyən qadının telefonunu əlindən alıb və "Zənglərinizi polis bölməsində edə bilərsiniz" deyib. Lakin onlar polis idarəsi əvəzinə Panama Siti-Biçdəki yaşayış kompleksinə gələndə qadın vəziyyəti anlayıb.

Hadisə nəticəsində Battle özünü polis məmuru kimi təqdim etmək, adam oğurluğu və soyğunçuluq ittihamları ilə həbs edilib.

Telegramda izləyin