Bir ailənin həlakına səbəb olan iş yeri sahibi saxlanıldı - VİDEO

Samsunun Canik rayonunda baş verən torpaq sürüşməsi nəticəsində həyatını itirən ailə ilə bağlı yanacaqdoldurma məntəqəsinin sahibi Mehmet Zeki Gedikli həbs edilib.

Sonxeber.az türk mediasına istinadən xəbər verir ki, hadisə aprelin 27-də axşam saatlarında Canik rayonu Devgeriş məhəlləsində yanacaqdoldurma məntəqəsinin yanındakı avtoyuma bölməsində baş verib. Adem Kaya 34 K 5396 dövlət nömrə nişanlı avtomobilini stansiyanın avtoyuma hissəsində yuyarkən ona bitişik yamacda sürüşmə baş verib. Kaya, həyat yoldaşı Çiğdem Kaya və qızları Açelya Mina və Ayla Kaya dağıntılar altında qalıb.Hadisə nəticəsində ata və qızları həlak olub.

Hadisə ilə əlaqəli olaraq yanacaqdoldurma məntəqəsinin sahibi Mehmet Zeki Gedikli saxlanılıb.

Gedikli prokurorluğa verdiyi ifadəsində, "Qaya sərt olduğu üçün istinad divarı çəkməyə ehtiyac duymadıq. Bu yaxınlarda mərkəzi Tokat və Taşovada olan iki zəlzələ oldu. Zəlzələlər qayaları yerindən oynatmış ola bilər" deyə bildirib.

İstintaq davam edir.

Telegramda izləyin