Motosikletlə polisə çırpıldı, qısa müddətdə yaxalandı

Kahramanmaraşın Onikişubat rayonunda sürücülük vəsiqəsi olmayan bir şəxs, nömrə nişanı olmayan motosikletlə hərəkətdə olarkən polis əməkdaşlarının "dayan" əmrinə tabe olmayaraq qaçmağa cəhd edib.

Sonxeber.az türk mediasına istinadən xəbər verir ki, sürücü qaçış zamanı motosikletlə xidmətdə olan polis əməkdaşına çırpılıb.

Hadisə nəticəsində polis əməkdaşı yüngül xəsarət alıb və ilkin tibbi yardımdan sonra xəstəxanaya yerləşdirilib. Onun vəziyyətinin yaxşı olduğu bildirilir.

Hadisədən dərhal sonra əraziyə əlavə qüvvələr cəlb olunub və sürücü qısa müddət ərzində saxlanılıb. Ona qarşı bir neçə qayda pozuntusu ilə bağlı inzibati tədbirlər görülüb.

Telegramda izləyin