Müəllim məktəbdə dəhşətli anların qarşısını aldı: boğulan şagirdi son anda xilas etdi - VİDEO

Sakaryanın Kaynarca rayonunun Karaçalı məhəlləsində yerləşən Esenbel İbtidai və Orta Məktəbində bir şagirdin nəfəs borusuna qida qaçıb. Hadisə nəticəsində uşaq nəfəs ala bilməyib və vəziyyəti qəfil pisləşib.

Sonxeber.az türk mediasına istinadən xəbər verir ki, hadisəni dərhal fərq edən məktəbin direktor müavini Güngör Köklü, heç bir tərəddüd etmədən müdaxilə edib. O, Heimlich manevrası tətbiq edərək şagirdin nəfəs borusunu təmizləyib və onun həyatını xilas edib.

Bu anları izləyən müəllim və şagirdlər böyük təşviş yaşayıb. Lakin müdaxilədən sonra vəziyyət nəzarətə alınıb və şagirdin səhhətinin hazırda yaxşı olduğu bildirilib.

Məktəb rəhbərliyi və valideynlər hadisəyə müdaxilə edən müəllimə təşəkkür edib. Onun sayəsində faciənin qarşısı vaxtında alınıb.

Telegramda izləyin