Yas mərasimlərində yemək verilməsi ailələri çətin vəziyyətə salır: Rəsmilər tədbir görür

Cənub-Şərqi Anadolu bölgəsində baş verən ölüm hadisələrindən sonra yas mərasimlərinə gələn yüzlərlə qonağa 3 gün ərzində yemək verilməsi adəti, maddi imkanı zəif olan ailələri çətin vəziyyətə salır.

Sonxeber.az türk mediasına istinadən xəbər verir ki, bəzi ailələr bu xərcləri qarşılamaq üçün ya kredit götürür, ya da borc alır və həm itkinin ağrısı, həm də iqtisadi sıxıntı ilə üzləşirlər.

Bu vəziyyətin qarşısını almaq məqsədilə Mardin Valiliyi və İl Müftülüyü birgə təşəbbüsə başlayıb. İl Müftülüyündə keçirilən ilk görüşə Vali müavini Osman Çelikkol, İl Müftisi Dr. Enver Türkmen, rayon rəhbərləri, müftülər və nüfuzlu şəxslər qatılıb.

Vali müavini Çelikkol bildirib ki, belə süfrələrin israfa səbəb olduğunu və bu adətin cəmiyyətin vicdanını narahat etdiyini deyib:
"Qonaqlara yemək verilməsi gözləntisinin dini və əxlaqi baxımdan yolverilməz olduğunu cəmiyyətə anlatmaq lazımdır. Bu mərasimlər qısa olmalı və axşam saatlarında başa çatmalıdır. Yas evləri söhbət məkanına çevrilməməlidir".

Telegramda izləyin