Bülent Ersoy bu dəfə etdiyi açıqlamalarla diqqət çəkdi: "Vəsiyyətimdə uşaqlar üçün xüsusi bir hissə ayırmışam"

Məşhur sənətçi Bülent Ersoy, İzmirdə açılan Yeni gazinonun açılış gecəsində səhnəyə çıxmadan əvvəl etdiyi açıqlamalarla diqqət çəkdi.

Sonxeber.az türk mediasına istinadən xəbər verir ki, gecədə zərifliyi və səmimi sözləri ilə ön plana çıxan sənətçi həm dinləyiciləri duyğulandırdı, həm də bir daha qəlbləri fəth etdi.

Səhnəyə çıxmazdan əvvəl jurnalistlərin suallarını cavablandıran Ersoy, gecənin böyük maraqla qarşılandığını belə dilə gətirdi: "İçəriyə baxmadım, amma mənim anlayışıma görə zıngır zıngır dolu idi, insanlar yer tapa bilməyib qapıdan dönürmüşlər. İzmirlilər hər zaman böyük rəğbət göstərir. Minnətdaram. 55 ildən sonra hələ də zirvədə olmaq, bayrağı dalğalandırmaq şərəfini mənə verən Uca Rəbbimə təşəkkür edirəm."

Uşağı olmaması ilə bağlı suala isə belə cavab verdi:
"Uşaq sahibi ola bilmərəm. Doğuş qabiliyyətim yoxdur. Sevdiyim bir kişidən, onun vasitəsilə uşaq sahibi olmaq mənə süni gəlir. Mən o işin içində deyiləm. Sevilməyə alışmışam, pişik kimiyəm. Ruhumdakı uşaq isə daim gülür. Uşaqları çox sevirəm, amma başqalarının uşaqlarını. Çünki Allah mənə analıq instinktini verməyib. Yeni gazino səhnəsində bunu ilk dəfə açıqlayıram: vəsiyyətimdə uşaqlar üçün xüsusi bir hissə ayırmışam. Onlar gələcəyin böyük insanları olacaqlar. Bülent bacılarından rahat və təhlükəsiz bir həyat sürə bilmələri üçün imkanlar buraxacağam. Allah mənə bəxş etdi, sizlər məni ucaltdınız, mən də sevdiklərimlə paylaşacağam."

Telegramda izləyin