Kapadokyada göy üzü Türk bayraqları və Atatürk posterləri ilə bəzəndi - VİDEO

Türkiyənin mühüm turizm mərkəzlərindən biri olan Nevşəhərin Kapadokya bölgəsində bu səhər havaya qalxan isti hava şarlarının səbətlərinə 19 May Atatürkü Anma, Gənclik və İdman Bayramı münasibətilə Türk bayraqları asılıb.

Sonxeber.az türk mediasına istinadən xəbər verir ki, şarlara yerli və xarici turistlər mindikdən sonra uçuşlar başlayıb. Təxminən 1.5 saat boyunca Kapadokya səmasında isti hava şarları ilə Türk bayraqları və Atatürk posterləri dalğalanıb. Yüzlərlə turist isti hava şarlarının yaratdığı bu unikal mənzərədə fotoşəkillər çəkdirib.

Şar pilotu Bilge Ezel Hakan Kaya danışıb: "Bu gün 19 May Atatürkü Anma, Gənclik və İdman Bayramıdır. Bütün xalqımızın bayramını təbrik edirəm. Kapadokyada şarlar Türk bayraqları ilə havaya qalxır. Hal-hazırda dünyada bir çox yerlər Kapadokyanı izləyir. Biz bu yolla Atatürkü Anma, Gənclik və İdman Bayramımızın bütün dünyada qeyd olunmasına səbəb oluruq. Buna görə də bütün şar cəmiyyətinin bayramını təbrik edirəm. Bu uğurda başda Atatürk olmaqla bütün şəhidlərimizi minnətlə anırıq",- deyə o bildirib.

Telegramda izləyin