Süd sağmaq üçün girdiyi tövlədən cansız bədəni çıxdı

Türkiyənin Konya vilayətinin Ereğli rayonunda süd sağma aparatındakı elektrik sızmasından cərəyan vurması nəticəsində 59 yaşlı Nurettin Ünaler həyatını itirib.

Sonxeber.az türk mediasına istinadən xəbər verir ki, hadisə dünən saat 20:30 radələrində Ereğli rayonunun Belkaya məhəlləsində yerləşən Sulukuyu yaylağında baş verib.

Nurettin Ünaler süd sağmaq məqsədilə tövləyə daxil olub. Bu zaman süd sağma aparatında yaranmış elektrik sızması nəticəsində cərəyan vurmasına məruz qalıb.

Ağır vəziyyətdə olan Ünalerin həyatını xilas etmək mümkün olmayıb. Onun meyiti tibbi ekspertiza üçün Ereğli Dövlət Xəstəxanasının morquna aparılıb.

Faktla bağlı hüquq-mühafizə orqanları tərəfindən araşdırma aparılır.

Telegramda izləyin