36 il əvvəl arvadını və uşaqlarını öldürən ata EDAM OLUNDU

ABŞ-ın Tennessi ştatında məhbus Oskar Smit 1989-cu ildə həyat yoldaşı Cudit Smit, yeniyetmə oğulları Ceyson və Çad Börneti qətlə yetirdiyinə görə inyeksiya ilə edam edilib.

Lent.az xarici mediaya istinadla bildirir ki, 75 yaşlı Smitə barbiturat pentobarbitalın öldürücü iynəsi vurulduqdan sonra öldüyü elan edilib. O, son anda belə günahını etiraf etməyib: "Kimsə qubernatora ədalət sisteminin pozulduğunu söyləməlidir. Onları mən öldürməmişəm".

Qeyd olunur ki o, 1 oktyabr 1989-cu ildə Neşvildə, Tennessi ştatında Cudit Smiti, 13 yaşlı Ceyson və 16 yaşlı Çad Börneti bıçaqlamaqda və güllələməkdə təqsirli bilinib. 1990-cı ilin iyulunda Davidson dairəsinin münsiflər heyəti onu qətlə yetirməkdə günahlandıraraq ölüm cəzasına məhkum edib.

2022-ci ildə Davidson County cinayət məhkəməsinin hakimi qətl silahlarından birində naməlum şəxsin DNT-sinin tapıldığına dair bəzi yeni dəlillərə baxmayaraq, işin yenidən açılması ilə bağlı vəsatətləri rədd edib. Hakim yazıb ki, Smitə qarşı sübutlar hədsiz dərəcədə çoxdur və DNT dəlilləri ona qarşı tərəzinin üstünü açır.

Telegramda izləyin