Anasının məzarını ziyarət edib, intihar etdi

Nevşehirdə anasının məzarını ziyarət edən 66 yaşlı H.K. qəbiristanlığın çıxışında intihar edib.

Sonxeber.az türk mediasına istinadən xəbər verir ki, hadisə ötən gün Fevzi Çakmak küçəsindəki Səki Qəbiristanlığının çıxışında baş verib.

İlkin məlumata görə, 66 yaşlı H.K. təxminən 8 ay əvvəl dünyasını dəyişən anası Ş.D.-nin məzarını ziyarət edib. Daha sonra isə avtomobilinə minərək qəbiristanlığın çıxışına gəlib. Aavtomobildən düşüb və səkidəki ağacın yanında oturub.

Orada bir müddət oturan H.K. daha sonra özü ilə gətirdiyi tüfənglə başına atəş açaraq intihar edib. Bölgədəki vətəndaşların məlumatı üzərinə hadisə yerinə təcili tibbi yardım və polis qrupları sövq edilib. Hadisə yerində həyatını itirən H.K.-nın meyiti tibbi ekspertizaya aparılıb.

Hadisə ilə bağlı araşdırma başladılıb.

Telegramda izləyin