Cənubi Koreyalı fenomen Türkiyədə təcavüzə məruz qaldığı anları belə lentə aldı - VİDEO

Türkiyədə bir müddətdir şəhər-şəhər gəzərək yayımlar edən Cənubi Koreyalı fenomen Mhyochi küçədə gəzərkən bir şəxsin təklifləri ilə çətin anlar yaşayıb.

Sonxeber.az türk mediasına istinadən xəbər verir ki, şəxs dəfələrlə onu avtomobilinə dəvət etsə də, Mhyochi bu təklifləri rədd edib. Canlı yayım zamanı baş verən bu hadisə izləyicilər tərəfindən narahatlıqla qarşılanıb və sosial şəbəkələrdə sərt şəkildə tənqid olunub.

Mhyochi daha əvvəl İstanbulun Kadıköy rayonunda da canlı yayım zamanı həm fiziki, həm də sözlü təcavüzə məruz qalmışdı. Son insidentdən sonra təxminən 2,5 saat davam edən yayım yarımçıq qalıb. Hadisəyə dair görüntülər qısa zamanda sosial mediada yayılaraq viral olub.

Minlərlə sosial media istifadəçisi Cənubi Koreyalı yayımaçıya dəstək mesajları göndərib və Türkiyənin gözəlliklərini tanıtmağa davam etməsini istəyib.

Telegramda izləyin