Netanyahu canlı yayımda danışarkən bina uçdu - VİDEO

13 iyun tarixində İsrailin başladığı və "Yüksələn Aslan" adını verdiyi hərbi əməliyyatlar, İranın "Gerçək Vəd" adı ilə cavab hücumuna keçməsi ilə müharibəyə çevrilib və artıq 8-ci gününə daxil olub.

Sonxeber.az xəbər verir ki, İsrailin hücumları nəticəsində İran Silahlı Qüvvələrinin Baş Qərargah rəisi Bakıri və İnqilab Keşikçiləri Korpusunun komandanı Səlami də daxil olmaqla, ən azı 227 nəfər həyatını itirib.

Cavab olaraq İran yüzlərlə pilotsuz uçuş aparatı (PUA), ballistik və hipersəs raketləri ilə Tel-Əviv, Qüds və Hayfanı hədəf alıb. İsrailin hava hücumundan müdafiə sistemlərini keçən raketlər nəticəsində ən azı 25 nəfər ölüb, yaralı sayı isə 500-ü keçib.

Bu gün Tel-Əvivdə qeydə alınan görüntülər dünya mediasında geniş yayılıb. İsrail Baş naziri Benyamin Netanyahu İranla bağlı canlı yayımda açıqlama verərkən diqqətçəkən bir hadisə baş verib.

Netanyahu danışdığı anda, İran raketləri ilə öncədən zədələnmiş bir bina qəfil çöküb. Hadisə anında panikaya düşən Baş nazir arxasını çevirərək səsin gəldiyi istiqamətə baxıb.

Onun gözlərindəki qorxu kameralar tərəfindən anbaan qeydə alınıb.

Telegramda izləyin