İran daha bir İsrailli casusu edam etdi

Dünyanı təşvişə salan müharibənin 11-ci günü şiddətli toqquşmalarla davam edərkən, İran, MOSSAD ilə əməkdaşlıq etdiyi müəyyən olunan İsrailli bir casusu edam edib.

Sonxeber.az xəbər verir ki, Yarırəsmi Tasnim və Fars xəbər agentlikləri, İsrailin kəşfiyyat xidməti MOSSAD ilə əməkdaşlıqda təqsirli bilinən Mühəmməd Əmin Mehdevi Şeyəstənin edam edildiyini bildiriblər. Tasnim agentliyi onu "MOSSAD-a bağlı bir kibertəhlükəsizlik qrupunun rəhbəri" kimi təqdim edib. Şeyəstənin 2023-cü ilin sonlarında həbs olunduğu qeyd olunub.

İsrailin 13 iyun tarixindən etibarən İrana hücumlara başlamasından bəri İran rəsmiləri, İsrail üçün casusluq etdikləri iddiası ilə ən azı üç nəfəri edam etdiklərini açıqlayıblar. Onlardan biri 16 iyunun səhər saatlarında, digəri isə 22 iyulda edam edilib.

Şübhəlilərə qarşı irəli sürülən ittihamlar müstəqil mənbələr tərəfindən təsdiqlənməyib. İnsan haqları təşkilatları isə İranda şübhəlilərin edamını və məhkəmə proseslərinin beynəlxalq standartlara uyğun olmamasını tez-tez tənqid edirlər.

Telegramda izləyin