Şahzadənin oğlu 23 cinayətdə ittiham olunur

Norveç şahzadəsi Mette-Maritin 28 yaşlı oğlu Marius Borq Heybi əsasən zorakılıq və cinsi təcavüz olmaqla 23 müxtəlif cinayət ittihamı ilə məsuliyyətə cəlb edilib.

Axşam.az xəbər verir ki, bu barədə Oslo polisi mıəlumat yayıb.

Heybinin hüquq-mühafizə orqanları ilə problemi 2024-cü ilin avqust ayında başlayıb. Heybi o zaman Oslo şəhərində bir qadına qarşı zorakılıq törətməkdə ittiham edilərək saxlanılıb. Polis həmin qadının evində divara sancılmış bıçaq aşkar edib.

Daha sonra Heybi qadağa qoyulmuş şəxslə əlaqə saxladığı üçün sentyabrda yenidən həbs olunub. O, əvvəlki iş üzrə adı keçən qadınla avtomobildə görüşərkən yaxalanıb.

Prokurorluqdan verilən məlumata görə, Heybi 1 zorlama, 2 cinsi əlaqəsiz zorlama. 4 cinsi təcavüz halı, 1 məişət zorakılığı, 2 bədən xəsarəti yetirmə, 1 əmlaka qəsdən zərər yetirmə, 1 hədə-qorxu, 5 dəfə yaxınlaşma qadağasını pozma, 1 polis əməkdaşını təhqir, 5 yol hərəkəti qaydasını pozma maddələri üzrə ittiham olunur.

Marius Heybi isə zorlama ittihamlarını inkar edir. Lakin o, 2024-cü ilin avqustunda bir qadına hücum etdiyini etiraf edib. Heybi bu hərəkətləri alkoqol və narkotik maddələrin təsiri altında etdiyini və həmin dövrdə psixoloji problemlər və asılılıqla mübarizə apardığını bildirib.

Hazırda istintaq davam edir.

Qeyd edək ki, Heybi kral ailəsinin üzvü olsa da, taxt-tac varisliyi sırasında yer almır.

Telegramda izləyin