Evi alovlar bürüdü :O anlar kameraya belə düşdü - VİDEO

Türkiyənin bir çox bölgəsində günlərdir davam edən meşə yanğınları ölkənin gündəmindən düşmür.

Sonxeber.az xəbər verir ki, Sakarya, Bilecik və Manisada başlayan və sürətlə yayılan yanğınlar müvafiq qurumların müdaxiləsi ilə nəzarət altına alınsa da, İzmirdəki alovlarla mübarizə hələ də davam edir.

İzmirin meşəlik ərazilərində baş verən yanğınlar zamanı bir evin alovların arasında qalması isə sosial mediada geniş rezonans doğurdu. Hadisə yerində olan vətəndaşlar həmin anları mobil telefonlarının kamerası ilə anbaan qeydə alıb.

Görüntülərdə alovların evə doğru sürətlə yaxınlaşdığı, tüstü və istiliyin ətrafı bürüdüyü aydın şəkildə görünür. Yanğınsöndürən qruplar hadisəyə müdaxilə etməyə çalışsa da, vəziyyətin ağırlığı göz önünə sərilir.

Rəsmi qurumlar tərəfindən hadisə ilə bağlı araşdırma başladılıb. Eyni zamanda əhaliyə ehtiyatlı olmaları, meşəlik ərazilərdə atəş yandırmaqdan və siqaret qalıqlarını atmaqdan çəkinmələri barədə xəbərdarlıq edilib.

Telegramda izləyin