Kişi ailə mübahisəsi zamanı iki qohumunu öldürüb, birini yaraladı

Kocaelinin Kartepe rayonunda baş verən ailədaxili mübahisə qanlı sonluqla nəticələnib.

Sonxeber.az xəbər verir ki, hadisə 10 iyul cümə axşamı axşamı saatlarında Fatih Sultan Mehmet məhəlləsinin Gazi küçəsində yerləşən bir mərtəbəli evdə baş verib.

İddialara görə, ailə üzvləri arasında başlayan mübahisə qısa zamanda böyüyərək silahlı insidentə çevrilib. Bu zaman ailə üzvü F.Y. yaxın qohumları Gazi Zafer Y., Güven Y. və M.S.-ə atəş açıb. Yaralanan M.S. öz imkanları ilə xəstəxanaya gedib.

Hadisə barədə 112 Təcili Yardım Mərkəzinə məlumat verildikdən sonra əraziyə polis və təcili tibbi yardım qrupları cəlb olunub. Tibbi müdaxilə zamanı Gazi Zafer Y. və Güven Y.-nin hadisə yerində həyatını itirdiyi müəyyən olunub.

Hadisə ilə bağlı aparılan istintaq çərçivəsində "qəsdən adam öldürmə", "qəsdən adam öldürməyə cəhd" və "adam öldürməyə təhrik" maddələri üzrə F.Y., K.Y. və D.Y. saxlanılıb.

Polis idarəsindəki ifadələrindən sonra şübhəlilər məhkəməyə çıxarılıb. K.Y. prokurorluq tərəfindən, D.Y. isə məhkəmə nəzarəti şərti ilə sərbəst buraxılıb. F.Y. barəsində isə həbs qətimkan tədbiri seçilərək həbsxanaya göndərilib.

Telegramda izləyin