Gecə klubunda tanış olduğu kişini yuxuya verib 18 min dollarlıq saatını oğurladı - VİDEO

ABŞ-ın Las-Veqas şəhərində yaşayan 24 yaşlı Rachel Marie Warner, tətil üçün getdiyi Mayamidə tanış olduğu bir kişini yuxuya verərək onun 18 min dollar dəyərindəki "Rolex" saatını oğurlamaqda ittiham olunur.

Sonxeber.az xarici mediaya istinadən xəbər verir ki, Warnerin hadisədən sonra oteldən yalınayaq qaçdığı anlar təhlükəsizlik kameralarına düşüb.

Hadisə 8 may tarixində Mayaminin Brickell bölgəsində yerləşən lüks East Hoteldə baş verib. Warner həmin axşam "Sugar" adlı məşhur çatı barında tanış olduğu kişi ilə birlikdə otelə gedib. Onlar otaqda içki qəbul ediblər. Kişinin ifadəsinə görə, Warnerin verdiyi içkini içdikdən sonra heç nəyi xatırlamayıb. Səhər oyandıqda isə Warnerin otaqda olmadığını və dəyəri 18 min dollar olan "Rolex" saatının itkin olduğunu anlayıb.

Oteldəki müşahidə kameraları Warnerin koridorda ayaqqabılarını əlinə alıb qaçdığını, daha sonra isə küçədə ayaqqabıları geyinmiş halda uzaqlaşdığını qeydə alıb. Şikayət əsasında polis tərəfindən saxlanılan Warner, həmin gün tutularaq həbs olunub.

Telegramda izləyin