Məşhur aktyorun səhhətində ağırlaşma: Danışmaq və hərəkət etmək qabiliyyətini itirdi - FOTO

Sağlamlıq vəziyyəti uzun müddətdir dünya ictimaiyyətinin gündəmində olan Hollivudun tanınmış aktyoru Bryus Uillis (Bruce Willis) barədə üzücü xəbərlər gəlməyə davam edir.

Sonxeber.az xarici mediaya istinadən xəbər verir ki, 2022-ci ildə ona afaziya diaqnozu qoyulduqdan sonra aktyorluq fəaliyyətini dayandıran Uillisin xəstəliyi zamanla irəliləyərək, ön alın lobu demensiyası (frontotemporal demans – FTD) kimi tanınan nadir və sağalmaz bir nevrodegenerativ xəstəliyə çevrilib.

70 yaşlı aktyorun bu xəstəlik nəticəsində danışmaq, oxumaq və yerimək kimi əsas bacarıqlarını tamamilə itirdiyi bildirilir. Onun qızı Talulla Uillis (Tallulah Willis) verdiyi son açıqlamada atasının artıq danışa bilmədiyini və motor bacarıqlarla yanaşı, özünün məşhur biri olduğunu və hansı layihələrdə iştirak etdiyini belə xatırlaya bilmədiyini bildirib. Bu isə xəstəliyin yalnız fiziki deyil, eyni zamanda zehni funksiyalara da ciddi zərər vurduğunu göstərir.

Bryus Uillisin səhhəti getdikcə ağırlaşdıqca, o, ictimai həyatdan tamamilə çəkilib və gündəlik ehtiyaclarını qarşılamaq üçün həyat yoldaşı Emma Heming Uillis, keçmiş həyat yoldaşı Demi Mur (Demi Moore) və beş qızı – Rumer, Skaut, Talulla, Meybel və Evelindən tam asılı vəziyyətə düşüb. Ailəsi aktyora hər gün yanında olaraq həm fiziki, həm də emosional dəstək göstərməyə davam edir.

Telegramda izləyin