Dörd dəfə alınmadı, beşinci cəhdində anasının oxunmuş suyu ümid oldu

Bayburtda bərbər kimi çalışan Yalçın Akdeniz, bundan əvvəl dörd dəfə qatıldığı, lakin uğur qazana bilmədiyi Yüksək Təhsil Qurumları İmtahanında (YKS) bu il beşinci dəfə iştirak etdi.

Sonxeber.az xəbər verir ki, o, imtahana anasının ayə və surələr oxuyaraq hazırladığı oxunmuş su ilə getdiyini və bunun ona mənəvi cəhətdən dəstək verdiyini bildirib.

Nəticələr açıqlananda isə Akdeniz arzuladığı balı topladığını və İdman menecmenti ixtisasına qəbul olunacağına ümid etdiyini deyib.

21–22 iyun tarixlərində keçirilən TYT və AYT imtahanlarına anasının oxuduğu su ilə girən Akdeniz imtahan öncəsi verdiyi açıqlamada belə demişdi:
"Anamın oxunmuş suyu ilə gəldim. Bu dəfə uğurlu olacaq. Bu il imtahana düz beşinci dəfə girirəm. Allah qismət eləsə, İdman menecmentini qazanacağam".

Nəticələr açıqlananda böyük sevinc yaşayan Akdeniz, anasının duaları və oxunmuş su ilə girdiyi beşinci imtahanda nəhayət ki, uğura çatdı.

Akdeniz bildirib ki, anasının dualarına güvənir və imtahan günü mənəvi olaraq özünü daha güclü hiss edib.

Telegramda izləyin