Ağciyərinə pişik tükü gedən şəxs həyatını itirib

Sapancada heyvansevər şəxs pişik tükünün ağciyərinə getməsi səbəbilə həyatını itirib.

Sonxeber.az türk mediasına istinadən xəbər verir ki, Türkiyənin Sakarya vilayətinin Sapanca rayonunda küçə heyvanlarına olan sevgisi ilə tanınan 55 yaşlı Okan Diköz ağciyərinə pişik tükünün getməsi nəticəsində yaranan infeksiyaya görə müalicə aldığı xəstəxanada dünyasını dəyişib.

Küçədəki heyvanlara qayğı göstərirdi

Sapancanın Yanık məhəlləsində yaşayan Okan Diköz həm evində saxladığı pişiklər, həm də küçə heyvanlarına göstərdiyi diqqət və qayğı ilə ətrafında tanınan və sevilən bir sima idi.

Ağciyərinə keçən pişik tükü həyatına son qoydu

Təxminən 10 gün əvvəl nəfəs darlığı şikayəti ilə xəstəxanaya müraciət edən Diközün müayinəsi zamanı onun ağciyərinə pişik tükü keçdiyi müəyyən edilib. Bu vəziyyət orqanizmində infeksiyaya səbəb olub. Həkimlərin bütün müdaxilələrinə baxmayaraq, Okan Diközün həyatını xilas etmək mümkün olmayıb.

Son mənzilə yola salındı

Heyvansevərliyi ilə yadda qalan Okan Diközün nəşi Sapanca Yanık məhəlləsində yerləşən Mərkəz məscidində qılınan cənazə namazından sonra Yanık Kurtköy qəbiristanlığında torpağa tapşırılıb.

Telegramda izləyin