Marketdə çalışan gəncin ağır iş şəraiti reaksiyalara səbəb olub - VİDEO

Türkiyədə Zəncir marketdə çalışan gəncin ağır iş şəraiti reaksiyalara səbəb oldu

Sonxeber.az türk mediasına istinadən xəbər verir ki, minimum əməkhaqqı ilə çalışan bir gəncin zəncir marketdə kassirlikdən tutmuş təmizlik və anbar işlərinə qədər hər işi görməyə məcbur qalması sosial mediada müzakirələrə səbəb olub. Ağır zibil torbalarını çiyninə alaraq hərəkət etməkdə çətinlik çəkən işçinin görüntüləri "İnsan ləyaqətinə zidd" kimi dəyərləndirilib.

Marketlərdəki ağır əmək şəraiti yenidən gündəmdədir

Sözügedən gənc işçi həm kassada müştərilərə xidmət göstərir, həm marketin təmizliyini aparır, həm də anbarın qaydaya salınması ilə məşğul olur. Sosial şəbəkələrdə yayılan görüntülərdə onun ağır zibil torbasını daşımaqda çətinlik çəkdiyi, hətta yükün ağırlığından yerə çökdüyü görünür.

İzləyicilər bu görüntüləri tənqid atəşinə tutaraq market rəhbərliklərini işçilərə qarşı ədalətsiz və ləyaqətsiz münasibətdə ittiham ediblər. Hadisə işçi hüquqları və əmək şəraitinin insan sağlamlığına və ləyaqətinə uyğun olub-olmaması mövzusunu yenidən gündəmə gətirib.

Telegramda izləyin