Aşan ağacın altında qalan yaşlı adam həyatını itirdi - VİDEO

Türkiyədə Erzincanın mərkəzindən 14 kilometr məsafədə yerləşən Ekməkli kəndində kanal işləri aparılan zaman baş verən qəza nəticəsində Rafet Bayrak həyatını itirib.

Sonxeber.az türk mediasına istinadən xəbər verir ki, məlumatlara görə, Dövlət Su İşləri (DSİ) tərəfindən tender üsulu ilə işləyən podratçı şirkətə aid iş maşını kanal boyunca iş aparırdı. Bu zaman ekskavator tərəfindən kəsilən ağac aşaraq ərazidə olan Rafet Bayrağın üzərinə düşüb və o, ağır xəsarət alıb.

Hadisə yerinə çağırılan təcili yardım briqadası Bayrağı Mengücek Gazi Təhsil və Araşdırma Xəstəxanasına çatdırıb, lakin bütün müdaxilələrə baxmayaraq onun həyatını xilas etmək mümkün olmayıb.

Jandarma komandaları ərazidə təhlükəsizlik zolağı yaradaraq araşdırma aparıb. Hadisə ilə bağlı istintaq davam edir.

Telegramda izləyin