Hadisə böyük qınaqla üzləşdi: Sosial şəbəkələrdə "haddini bil" həştəqi trend oldu - VİDEO

Hadisə böyük qınaqla üzləşdi: Sosial şəbəkələrdə "haddini bil" həştəqi trend oldu

Türkiyəli pop ulduzu Hadisə, amerikalı reper Nicky Minajın 2013-cü ildəki "High School" klipində verdiyi poza istinad edərək başladığı sosial media trendinə qoşulub.

Sonxeber.az türk mediasına istinadən xəbər verir ki, insanların hündür dabanlı ayaqqabılarla, çömbələrək və ya ayaq ayaq üstə ataraq çəkdikləri pozalardan ibarət trendə Hadisə bu dəfə masanın üzərində, şampan və qədəhlə qatılıb.

Lakin müğənninin paylaşımında təsbeh və xurma kimi dini simvolların ayağının altında yer alması böyük qınağa səbəb olub. Bu addım xüsusən dini həssaslığı yüksək olanlar tərəfindən hörmətsizlik kimi qiymətləndirilib.

Mövzu qısa müddətdə sosial şəbəkə platforması X-ə daşınıb. Çoxsaylı istifadəçilər etirazlarını bildirərək "#Hadisehaddinibil" həştəqi ilə paylaşımlar ediblər.

Telegramda izləyin