Qalmaqallı həkim yenidən fəaliyyətə başlayıb? - Video

Bakıda əməliyyat etdiyi pasiyentin ölməsindən sonra fəaliyyəti dayanadırılan Nigar Məmmədovanın yenidən paytaxtdakı özəl müəssisələrin birində əməliyyatlar etdiyi ilə bağlı iddialar yayılıb.

"Qafqazinfo" xəbər verir ki, həmin klinikadan artıq bir həftədir ki, onun işə başladığını təsdiqləyiblər.

N. Məmmədova isə bildirib ki, klinikada yalnız xəstə qəbul edir. Aidiyyəti qurumlar tərəfindən onun fəaliyyətinə qadağa qoyularsa, qanuna əməl edəcək.

Səhiyyə Nazirliyindən isə plastik cərrahlarla bağlı təsdiqlənmiş son siyahıda N.Məmmədovanın adının olmadığı əvvəlcədən açıqlamışdı.

Xatırladaq ki, N. Məmmədovanın adı əvvəllər bir neçə dəfə pasiyentlərlə bağlı qalmaqallarda hallanmışdı.

Bildirilirdi ki, Rusiya vətəndaşı olan 37 yaşlı Arzu Sadıqova "Mərcan" klinikasında ümumi cərrah Nigar Məmmədova tərəfindən icra olunan abdominoplastika və liposaksiya əməliyyatından sonra ölüb.

Ətraflı "Xəzər Xəbər"in videomaterialında:

Telegramda izləyin