Hindistanda uşaq əlinə dolanan kobranı dişləyərək öldürdü

Hindistanda inanılmaz hadisə baş verib. Belə ki, kiçik bir uşaq əlinə dolanan 90 santimetr uzunluğundakı zəhərli kobranı dişləyərək öldürüb.

Sonxeber.az türk mediasına istinadən xəbər verir ki, hadisə zamanı kobra uşağa hücum edərək onun əlini bərk sıxdıqda, uşaq gözlənilməz reaksiya göstərərək ilanı başından dişləyib və öldürüb.

Uşağın nənəsi Mateşvari Devi hadisəni təsdiqləyərək bildirib: "Yılanı uşağın əlində görəndə hamı ona tərəf qaçdı, amma o ana qədər uşaq ilanı dişləmiş və yerindəcə öldürmüşdü."

İlan dişlədikdən sonra uşaq huşunu itirib. Ailəsi əvvəlcə onu yerli tibb mərkəzinə aparıb, daha sonra isə Bettiah Dövlət Tibb Fakültəsi Xəstəxanasına (GMCH) təhvil verib.

GMCH Həkimləri kobranın uşağın dişləməsi nəticəsində baş və ağız nahiyəsindən aldığı xəsarətlərdən öldüyünü təsdiqləyiblər. Uşağın müalicəsini həyata keçirən Dr. Surab Kumar açıqlamasında deyib: "Vaxtında edilən tibbi müdaxilə Govindanın həyatını xilas etdi. Onun vəziyyəti hazırda stabildir, müalicəsi həkimlərin nəzarəti altında davam edir."

Həkim əlavə edib ki, uşağın zəhərlənmədiyinə əmin olmaq üçün valideynlərlə dəfələrlə yoxlama aparılıb və bu nəticə onları təəccübləndirib. Govindaya allergiya əleyhinə dərman verilib və o, hazırda həkimlərin müşahidəsi altındadır.

Telegramda izləyin