Inşaat sahəsində 60 yaşlı işçi ölü tapıldı

İzmirin Çeşmə rayonunun Dalyan məhəlləsində yerləşən inşaat sahəsində faciəvi hadisə baş verib.

Sonxeber.az türk mediasına istinadən xəbər verir ki, konteynerin üzərində hərəkətsiz halda qalan bir nəfəri görənlər dərhal 112 Təcili Çağrı Mərkəzinə məlumat veriblər.

Hadisə yerinə gələn təcili tibbi yardım əməkdaşları həmin şəxsin həyatını itirdiyini müəyyən ediblər.

Mərhumun inşaatda çalışan 60 yaşlı Mehmet Çur olduğu müəyyən edilib. İlkin araşdırmada onun bədənində zorakılıq və ya xəsarət izi aşkarlanmayıb.

Mehmet Çurun meyiti prokurorun iştirakı ilə aparılan baxışdan sonra dəqiq ölüm səbəbinin müəyyən edilməsi üçün İzmir Ədli Tibb İnstitutunun morquna göndərilib.

Polis hadisə ilə bağlı genişmiqyaslı araşdırmaya başlayıb.

Telegramda izləyin