9 yaşlı öz qızına və başqa uşaqlara təcavüz etdiyini etiraf edən şəxs saxlanılıb

Türkiyənin Daxili İşlər naziri Ali Yerlikaya sosial şəbəkədə gündəm yaradan dəhşətli görüntülərlə bağlı açıqlama verib. Nazir bildirib ki, müqəddəs kitaba ağır təhqirlər edən, 9 yaşlı qızına və uşaq parklarında oynayan uşaqlara cinsi təcavüz etdiyini etiraf edən şəxs Ankarada saxlanılıb.

Sonxeber.az türk mediasına istinadən xəbər verir ki, sosial mediada yayılan görüntülərdə həmin şəxsin müqəddəs kitaba qarşı hörmətsizlik etdiyi, həmçinin öz qızına və digər uşaqlara qarşı təcavüz etdiyini etiraf etdiyi əks olunub. Görüntülər ictimaiyyətdə böyük qəzəb doğurub.

Nazir Yerlikaya paylaşımında bunları qeyd edib:

"Sosial mediada, müqəddəs kitabımıza ağır təhqirlər edən, 9 yaşlı öz qızına və uşaq parklarındakı uşaqlara cinsi təcavüz etdiyini etiraf edən bir şəxsin görüntüləri ortaya çıxmışdır. Görüntülərlə bağlı Daxili İşlər Nazirliyi nəzdindəki Kibercinayətlərlə Mübarizə İdarəsi dərhal araşdırma aparmış və həmin şəxsin Y.T.N. olduğu müəyyən edilmişdir. O, Ankara şəhərində yaxalanaraq nəzarətə götürülüb. Cəmiyyətimizin sülh və təhlükəsizliyini təhdid edənləri ədalət qarşısına çıxarmağa davam edəcəyik"

Nazir həmçinin həmin şəxsin yaxalanma anına aid görüntüləri də ictimaiyyətlə bölüşüb.

Telegramda izləyin