Boşandığı arvadını bıçaqladı: vəziyyəti ağırdır

Kayseridə dəhşətli hadisə baş verib.

Sonxeber.az türk mediasına istinadən xəbər verir ki, Manisada yaşayan Ufuk A., boşandığı həyat yoldaşı Hatice C.-nin yaşadığı Kayseriyə gələrək onun evinə daxil olub.

İkili arasında başlayan mübahisə qısa müddətdə bıçaqlı davaya çevrilib. Yaşanan qarşıdurma zamanı Hatice C. keçmiş əri Ufuk A. tərəfindən bıçaqlanaraq ağır yaralanıb.

Hadisə barədə məlumat alan polis və təcili yardım əməkdaşları dərhal ünvana cəlb olunublar. Yaralı qadın ilkin tibbi yardımdan sonra Erciyes Universiteti Tibb Fakültəsi Xəstəxanasına aparılıb. Onun vəziyyətinin ağır olduğu bildirilib.

Hadisədən sonra ərazidən qaçan Ufuk A.-nın yaxalanması üçün polis tərəfindən əməliyyat başladılıb.

Telegramda izləyin