33 yaşlı işçi fabrikdə aparata sıxışaraq öldü - VİDEO

Eskişehirin Odunpazarı rayonunda yerləşən fabrikdə çalışan 33 yaşlı Kutluay Gümüş 19 avqustda iş zamanı dəhşətli şəkildə həyatını itirib.

Sonxeber.az türk mediasına istinadən xəbər verir ki, hadisə 75-ci İl Məhəlləsindəki Organize Sənaye Bölgəsinin 25-ci küçəsində metal və plastik hissələrin istehsalı ilə məşğul olan müəssisədə baş verib.

Məlumata görə, işçi aparata sıxışaraq ağır yaralanıb. Hadisə yerinə dərhal təcili tibbi yardım, xilasedici və polis əməkdaşları çağırılıb. Xilasedicilərin müdaxiləsi ilə sıxışdığı yerdən çıxarılan Gümüş təcili yardım maşını ilə Eskişehir Şəhər Xəstəxanasına aparılıb. Lakin həkimlərin bütün müdaxilələrinə baxmayaraq, onun həyatını xilas etmək mümkün olmayıb.

Qorxunc hadisənin təhlükəsizlik kamerası görüntüləri də üzə çıxıb. Kadrlarda Gümüşün aparata girdiyi anda sıxışdığı və daha çıxa bilmədiyi, həmçinin köməyə qaçan həmkarının yaşadığı böyük təşvişin də kameraya əks olunduğu görünür.

Telegramda izləyin