Öz toyunda qaynını öldürən qadın: "Heç nə xatırlamıram" - VİDEO

Giresunun Şebinkarahisar rayonunda toy mərasimindən sonra açılan atəş nəticəsində yaralanan bəy Ali K. xəstəxanada həyatını itirib.

Sonxeber.az türk mediasına istinadən xəbər verir ki, hadisəni törətməkdə ittiham olunan bəyin qardaşı arvadı F.K. saxlanılıb, onun evindən 2 ədəd sənədsiz silah aşkarlanıb.

Turpçu kəndində keçirilən toy mərasimindən sonra gəlin və bəy evlərinə yola salınarkən havaya açılan atəş nəticəsində 23 yaşlı bəy Ali K. yaralanıb. Hadisə yerinə təcili tibbi yardım və polis əməkdaşları çağırılıb. Yaralı Şebinkarahisar Dövlət Xəstəxanasına aparılıb, lakin həkimlərin müdaxiləsinə baxmayaraq o, səhərə yaxın dünyasını dəyişib.

Bəyin qardaşı arvadı 47 yaşlı F.K., silahla atəş açmaqda şübhəli bilinərək polis tərəfindən saxlanılıb. Onun evində aparılan axtarış zamanı 2 sənədsiz silah götürülüb.

Hadisə ilə bağlı istintaq davam edir. F.K.-nın ilkin ifadəsində "Hələ də hadisənin şokundayam. Heç nəyi xatırlamıram" dediyi öyrənilib.

Telegramda izləyin