Universitet tələbəsi işlədiyi inşaatda faciəvi şəkildə öldü

Türkiyədə məktəb binasında baş verən iş qəzasında, 4-cü mərtəbədəki lift boşluğundan yıxılan Erzincan Binəli Yıldırım Universitetinin (EBYÜ) Elektrik – Elektronika mühəndisliyi ixtisasının 2-ci kurs tələbəsi Celal Türkaslan həyatını itirib.

Sonxeber.az türk mediasına istinadən xəbər verir ki, Türkaslanın ölüm xəbəri universitet ictimaiyyətində böyük kədər yaradıb.

EBYÜ rektoru Prof. Dr. Akın Levent başsağlığı mesajı yayaraq bildirib:

"Universitetimizin Elektrik – Elektronika mühəndisliyi 2-ci kurs tələbəsi Celal Türkaslanın vəfatını dərin kədər ilə öyrənmişik. Mərhumun cənazəsi Kayserinin Tomarza ilçəsinin Cücün kəndində dəfn ediləcəkdir. Allah rəhmət eləsin, kədərli ailəsinə, dostlarına və bütün EBYÜ ailəsinə səbir və başsağlığı diləyirik. Məkanı cənnət olsun".

Telegramda izləyin