Ərinin valideynlərini və xalasını zəhərləyib öldürən qadın həbs edildi - FOTO

Avstraliyada qohumlarını zəhərləyib öldürən qadın həbs edilib.

Ölkə.Az xarici KİV-ə istinadla xəbər verir ki, Erin Patterson adlı qadın 2023-cü ildən ayrı yaşadığı ərinin valideynlərini, yoldaşının xalasını və əmisini nahara qonaq edib.
O, qonaqlara tərkibində zəhərli göbələklər olan yemək verib. Nahardan sonra evə qayıdan qonaqlar səhhətlərinin pisləşərək xəstəxanaya yerləşdiriliblər. Qadının qayınanası, qayınatası və ərinin xalası xəstəxanada dünyasını dəyişib, əmisi isə sağ qalıb.

Hadisədən sonra 2023-cü ilin noyabrında saxlanılan Patterson iyulda məhkəmədə qətl və adam öldürməyə cəhddə təqsirləndirilib.

Məhkəmə Pattersonu 3 nəfərin ölümünə görə ömürlük, sağ qalan dördüncü qonağa görə isə 25 il müddətinə azadlıqdan məhrum edib.

50 yaşlı 2 uşaq anası Pattersonun ömürlük həbsinin ilk 33 ilində azadlığa çıxa bilməyəcəyi qeyd edilib.

Onun daha əvvəl də ərini dəfələrlə zəhərləyərək öldürməyə çalışdığı iddia edilir.

Telegramda izləyin