Ana və sevgilisi körpəyə işgəncə verdi

Konya vilayətinin Beyşəhir rayonunun Avşar məhəlləsində ürək sızladan hadisə baş verib. Sevgilisi M.A.E. (50) ilə birlikdə 4 ay əvvəl yaşayış binasına köçən H.A.-nın oğlu M.D.Ç.-nin gecə saatlarında davamlı ağlamasından narahat olan qonşular polis və təcili tibbi yardım xidmətinə məlumat veriblər.

Sonxeber.az türk mediasına istinadən xəbər verir ki, hadisə yerinə gələn polis əməkdaşları azyaşlının bədənində döyülməyə bağlı izlər aşkar edərək H.A. və onun sevgilisini saxlayıb.

Uşaq isə təcili olaraq əvvəlcə Beyşəhir Dövlət Xəstəxanasına, daha sonra isə Konya Şəhər Xəstəxanasına yerləşdirilib.

Həkim müayinəsi zamanı uşağın bədəninin müxtəlif nahiyələrində siqaret söndürülməsi izləri, qolları və üzündə döyülməyə bağlı göyərmələr, həmçinin ayaq və oturaq hissəsində qaynar su ilə yanıq izləri müəyyən edilib.

Şübhəlilər H.A. və M.A.E. polis idarəsindəki istintaqdan sonra məhkəməyə çıxarılaraq həbs olunublar. Kiçik M.D.Ç. isə Ailə və Sosial Xidmətlər İdarəsi tərəfindən dövlət himayəsinə götürülüb.

Telegramda izləyin