Tələbə yataqxanasında qalmaqal: Tələbələrin şəxsi əşyaları oğurlandı, otaqlarda şok görüntülər ortaya çıxdı!

İstanbulun Cevizlibağ Atatürk KYK Qız Yurdunda yay mövsümündə aparılan təmir işləri zamanı tələbələr ciddi hüquq pozuntuları ilə üzləşiblər.

Sonxeber.az türk mediasına istinadən xəbər verir ki, təmir üçün çalışan işçilər tələbələrin otaqlarına icazəsiz daxil olub, kilidli dolablardan və çarpayıların altına qoyulan şəxsi əşyalardan oğurluq ediblər. Hətta yeni kilidlənmiş dolablardan belə oğurluq halları qeydə alınıb.

Bəzi otaqlarda isə tələbələrə aid olmayan cinsi məzmunlu materiallar, spirtli içki şüşələri, ülgüc bıçaqları və siqaret qalıqları tapılıb. Bu vəziyyət yalnız gigiyenik normaları deyil, həm də tələbələrin təhlükəsizlik hissini ciddi şəkildə sarsıdıb.

Sosial şəbəkələrdə yayılan fotolarda tələbələrə məxsus alt paltarlarının otaqlara səpələndiyi, hətta büstqalterlərin içinə ürək şəkilləri çəkildiyi də əks olunub.

Telegramda izləyin