Qohumlar arasında torpaq davası qanla bitdi: 3 nəfər öldü

Gaziantepin Oğuzeli rayonunun Tınazdərə kəndində qohum iki ailə arasında torpaq üstündə yaranan mübahisə faciə ilə nəticələnib.

Sonxeber.az türk mediasına istinadən xəbər verir ki, aralarında əvvəlcədən ədavət olan ailələr arasında başlayan mübahisə qısa zamanda böyüyərək odlu silahların işə salındığı davaya çevrilib. Hadisə yerinə çağırılan təcili tibbi yardım briqadası 21 yaşlı Vahap Alpaslan və Hakan Alpaslanın həyatını itirdiyini təsdiqləyib.

Ağır yaralanan 41 yaşlı Doğan Karakurt isə Oğuzeli Dövlət Xəstəxanasına çatdırılsa da, həkimlərin səylərinə baxmayaraq onun həyatını xilas etmək mümkün olmayıb. Hadisə nəticəsində ölənlərin meyitləri ekspertiza üçün Ədliyyə Tibb Qurumu morquna aparılıb.

Polis yeni insidentlərin qarşısını almaq üçün kənddə geniş təhlükəsizlik tədbirləri görüb. Faktla bağlı istintaq davam etdirilir.

Telegramda izləyin