Pul üçün dostunu öldürdü - VİDEO

Hatayın Defne rayonunda pul üstündə başlayan mübahisə qanlı sonluqla nəticələnib.

Sonxeber.az türk mediasına istinadən xəbər verir ki, misir əsilli T.E.R. dostu olan 45 yaşlı A.M.C.-ni bağda qətlə yetirib, sonra isə onun cibindəki 150 min TL pulunu götürərək qaçıb.

Hadisə 23 sentyabrda Hüseynli məhəlləsində, tikinti sahəsinə yaxın ərazidə baş verib. İki dost arasında başlayan mübahisə qısa müddətdə şiddətlənib. T.E.R. əlindəki satırla A.M.C.-yə hücum edərək onu öldürüb.

Bağda işləyən fəhlələr meyiti gördükdən sonra dərhal polis və təcili tibbi yardım əməkdaşlarına məlumat veriblər. Hadisədən sonra polis cinayətkarı tapmaq üçün genişmiqyaslı əməliyyata başlayıb.

Polis, "Pamuk" adlı iz itinin köməyi ilə qaçan şübhəlini qısa müddətdə saxlayaraq oğurladığı 150 min TL ilə birlikdə ələ keçirib.

Hadisə ilə bağlı istintaq davam edir.

Telegramda izləyin