Yolda sürücülər arasında dava: Taksi sürücüsü ukraynalı turistin maşınının şüşəsini yumruqladı - VİDEO

Antalyanın Alanya rayonunda yol hərəkəti mübahisəsi zamanı taksi sürücüsü, ukraynalı sürücünün qarşısını kəsərək maşının şüşəsinə yumruqla zərbə endirib.

Sonxeber.az türk mediasına istinadən xəbər verir ki, turistlərin olduğu taksi sürücüsü əvvəlcə ukraynalı sürcünün idarə etdiyi avtomobilə çırpılıb, daha sonra isə onun yolunu kəsərək dayandırıb. Maşından düşən sürücü söyüşlər söyərək qarşı tərəfin avtomobilinin şüşəsini yumruqlayıb.

Yoldan keçən bir nəfər sürücünü sakitləşdirməyə çalışsa da, o, daha sonra avtomobilinə minərək hadisə yerindən uzaqlaşıb.

Ukraynalı sürücü isə baş verənləri mobil telefonla çəkərək sosial şəbəkədə paylaşıb. Görüntülər qısa müddətdə geniş şəkildə yayılıb.

Telegramda izləyin