Azyaşlı uşaq səkidə yuxuya getdi - VİDEO

Türkiyədə çəkilən bir görüntülərdə azyaşlı uşağın səkidə yatması sosial şəbəkələrdə yayıldıqdan sonra böyük rezonans doğurub.

Sonxeber.az türk mediasına istinadən xəbər verir ki, səkidə yuxuya gedən azyaşlının vəziyyəti ictimaiyyəti sarsıdıb.

Ailə və Sosial Xidmətlər Nazirliyi məsələ ilə bağlı dərhal hərəkətə keçib. Nazirliyin sosial şəbəkə hesabında verilən açıqlamada bildirilib ki, görüntülərdəki uşağın ünvanı müəyyənləşdirildikdən sonra əraziyə il müdürlüğü əməkdaşları göndərilib.

Aparılan araşdırma nəticəsində həmin uşağın 6 bacı-qardaşının da olduğu aşkarlanıb. Ümumilikdə 7 uşaq tibbi müayinədən keçirilib və dövlət himayəsinə götürülüb.

Nazirliyin açıqlamasında qeyd olunub:

"Uşaqlarımızın üstün maraqlarını əsas tutaraq, onların sağlam böyüməsi və təhlükəsiz mühitdə inkişafı üçün bütün zəruri dəstək göstəriləcək".

Telegramda izləyin