Arvadına şiddət göstərdiyi anın görüntülərini paylaşan şəxs həbs olundu - VİDEO

Türkiyədə həyat yoldaşına şiddət göstərdiyi anları sosial şəbəkədə paylaşan R.K. adlı şəxs həbs edilib.

Sonxeber.az türk mediasına istinadən xəbər verir ki, hadisə təxminən 3 ay əvvəl Muş şəhərində baş verib. R.K. həyat yoldaşını onu aldatdığı iddiası ilə döyüb. Daha sonra qadının "aldatmanı etiraf etdiyi" anları mobil telefonla çəkərək qayınatasına göndərmək istəyib.

Şiddətə görə saxlanılan R.K. həmin vaxt məhkəmə qərarı ilə şərti azadlığa buraxılıb və barəsində uzaqlaşdırma qərarı çıxarılıb.

Lakin 3 ay sonra o, həmin görüntüləri sosial şəbəkə hesabında yayınlayıb. Paylaşım cəmiyyətdə böyük qınaq doğurub. Bunun ardınca R.K. Mersinin Toroslar rayonunda saxlanılıb.

Məlumata görə, qadın sığınacaq evində yerləşdirilib. Şübhəli isə dindirildikdən sonra məhkəməyə çıxarılıb və "xüsusi həyatın gizliliyini pozma" maddəsi ilə həbs edilib.

Telegramda izləyin