Arvadını narahat edən şəxsi bir zərbə ilə yerə yıxdı - VİDEO

Sosial şəbəkələrdə yayılan video qısa zamanda gündəmə çevrilib.

Sonxeber.az türk mediasına istinadən xəbər verir ki, kadrlarda bir kişinin həyat yoldaşını narahat edən şəxsi tək zərbə ilə yerə yıxması anbaan əks olunub.

Hadisə insanların sıx olduğu küçədə baş verib. Görüntülərə əsasən, kimliyi hələ müəyyənləşdirilməyən bir şəxs qadına söz ataraq fiziki yaxınlıq göstərməyə çalışıb. Qadının kömək istəməsindən sonra həyat yoldaşı dərhal müdaxilə edib.

Əsəbiləşən kişi həmin şəxsə yaxınlaşıb və güclü bir zərbə endirib. Zərbənin təsirindən adam yerə yıxılaraq bir müddət hərəkətsiz qalıb.

Ətrafdakı insanlar hadisəni təəccüblə izləyib. Bəziləri qadına dəstək olub, digərləri isə huşunu itirən şəxsin yanına qaçıb. Bir müddət sonra özünə gələn şəxs ərazidən uzaqlaşdırılıb.

Video sosial şəbəkələrdə qısa zamanda böyük səs-küy yaradıb. İstifadəçilərin çoxu hadisəyə müdaxilə edən ərin dəstəkləyərək "Haqlı zərbə", "Əsl kişi" kimi rəylər yazıb. Digər bir qrup isə şiddətin çıxış yolu olmadığını, məsələnin başqa cür həll edilə biləcəyini bildirib.

Polisin hadisə ilə bağlı araşdırma aparıb-aparmadığı isə hələlik açıqlanmayıb.

Telegramda izləyin