TIR sürücüsü yolun ortasında hücuma məruz qaldı - VİDEO

Türkiyədə baş verən yol-nəqliyyat hadisəsindən sonra TIR sürücüsü Adem M.A. (44) yolun ortasında digər avtomobildə olan iki şəxs tərəfindən döyülüb.

Sonxeber.az türk mediasına istinadən xəbər verir ki, hadisə 23 sentyabr saat 23:00 radələrində baş verib.

Məlumata görə, yük maşını təcili yol zolağında irəliləyərkən sola keçmək istəyib və bu zaman həmin istiqamətdə olan avtomobilə çırpılıb.

Toqquşmadan sonra avtomobildəki iki şəxs əsəblərinə hakim ola bilməyərək TIR-ın sürücüsünün qapısını açıb. Onlardan biri sürücünü yumruqlayarkən, digəri isə pəncərədən zərbələr endirib.

Hadisə anı TIR-ın iç kamera sistemi ilə dəqiqə-dəqiqə qeydə alınıb.

Telegramda izləyin