Məşhur aktrisanın evi yandı

İstanbulun Beşiktaş rayonunun Bebek məhəlləsində yerləşən üçmərtəbəli taxta binada güclü yanğın baş verib.

Sonxeber.az türk mediasına istinadən xəbər verir ki qısa müddətdə böyüyən alovlar yaxınlıqdakı üç binaya da keçib.

Binadan qalxan tüstünü görən sakinlər dərhal yanğınsöndürənlərə xəbər verib və içəridə olan bir qadını çölə çıxarıblar. Lakin alovlərin şiddətlənməsi nəticəsində bina qismən çöküb və yaxınlıqda park edilən avtomobilin üzərinə dağılıb.

Dar küçələr və park edilmiş avtomobillər səbəbindən yanğınsöndürmə işləri çətinləşsə də, ekipajlar müxtəlif istiqamətlərdən su şırnaqları ilə müdaxilə edərək yanğını nəzarətə almağa çalışıblar. Hadisə zamanı məhəllə qalın tüstü altında qalıb, sakinlər nəfəs almaqda çətinlik çəkib. Təxminən 2 saat davam edən əməliyyatlardan sonra yanğın söndürülüb.

Yanğın nəticəsində aralarında məşhur aktrisa Şebnem Bozokluya məxsus evin də olduğu 4 bina zərər görüb, 2 bina isə tamamilə yararsız vəziyyətə düşüb.

Hadisə anı mobil telefon kamerasına da yansıyıb. Görüntülərdə alovların içində qalan taxta binanın bir anda çökdüyü və altında qalan avtomobilin böyük ziyan gördüyü müşahidə edilib.

Telegramda izləyin