Hülya Avşardan təəccübləndirən imic dəyişikliyi - FOTO

Türkiyə kino və musiqi dünyasının əfsanəvi simalarından Hülya Avşar, hər zaman olduğu kimi gözəlliyi ilə illərə meydan oxumağa davam edir. Yaz aylarını Balıkesirdəki yaylığında keçirən sənətçi, havaların soyuması ilə bağlı olaraq artıq İstanbula qayıdıb.

Sonxeber.az türk mediasına istinadən xəbər verir ki, qış mövsümünə hazırlıq edən Avşar, izləyicilərini təəccübləndirən radikal bir dəyişiklik edib. Uzun müddət sosial mediada səssiz qalan məşhur sənətçi, yeni imici ilə yenidən gündəmə gəlib.

Avşar uzun və açıq rəngli saçlarını kəsdirib, tünd rəngə boyadaraq diqqətçəkən bir dəyişiklik edib. Sosial media hesabında paylaşdığı yeni görüntüsü qısa müddət ərzində minlərlə bəyənmə və şərh alıb. İzləyiciləri isə belə şərhlər yazıb: "Hər halıyla zərifdir", "İllərə meydan oxumağa davam edir", "Yeni imic çox yaraşıb".

Uzun illər həm Yeşilçamdakı uğurları, həm də musiqi karyerasındakı hit parçaları ilə tanınan Hülya Avşar, bir daha tərzi ilə gündəmə gəlməyi bacarıb.

Telegramda izləyin